Page 38 - HOH
P. 38
Tambe Famia Planea tin miembrecia pa hoben, completamente gratis te cu 21 aña di
edad. Nan ta traha completamente anonimo, unda cu nan por bin haci nan
preguntanan, pero nan ta bin den un setting unda nan ta mas confortabel.
Den e temporada moderno aki, Famia Planea ta mas cerca di e cliente. Na augustus di
aña pasa, nan a lansa e delivery service, y e online store. E hoben por dicidi e dia y
horario cual nan kier pa e wordo entrega.
Tin hasta e posibilidad di paga cash of swipe. Awendia tur hende ta consciente di nan
salud sexual, di e uzo di e anticonceptivo y Famia Planea lo sigui traha pa laga esaki
crece den comunidad.
Por ultimo, Trinidad a informa cu durante e dos paradanan mas grandi, tur organisacion
cu a join e campaña lo tin un tas cu folder y tambe e condom. Esaki lo wordo reparti
durante e dos paradanan mas grandi, e lo wordo reparti na adultonan, pa na final di dia
tur hende ta consciente y como mayor, pa nan tin e informacion pa nan por lesa na nan
cas, den tur comodidad.
