Page 10 - AAA 29 APRIL 2017

22 AWEMainta Diasabra, 29 April 2017

Endy Croes a sali pa San Franscisco

California pa un reunion ehecutivo di WBSC

DIAHUEBS ultimo, Endy Croes a sali pa San
Fransisco California pa atende dos dia di reunionnan
intensivo di WBSC. WBSC ta World Baseball and
Softball Confederation unda Endy Croes actualmente
tin e encargo como vice presidente pa henter e area
di Caribe.

Durante e reunion aki 22 ehecutivo di tur 5 con-
tinente lo reuni y lo tuma decision riba diferente
aspectonan na bienestar di desaroyo di e deporte di
softball.

Lo revisa y actualisa Plan 2020 cual ta encera dife-
rente wega clasificatorio pa e. o. Juegos Centro Ameri-
cano y Del Caribe, Juegos Pan Americano, Mundial
y Juegos Olympico 2020.

Riba agenda e Director di Umpires sr. Bob Stanton
di Canada lo duna un presentacion na Board of Di-
rectors alrespecto e Rule Book nobo cual a wordo
reforma y modernisa durante ultimo aña y cu un apro-
bacion di Board of Directors esaki lo wordo presenta
finalmente den luna di october durante Congreso pa
un aprobacion final.

Rule Book modernisa y reforma aki lo replasa e rule
book actual desde 2018 pa 2021.

Endy na su turno lo mester duna un presentacion di
tur actividadnan di softball di nos region pa cu aña
2017. Tin basta trabou y e agenda ta carga cu hopi
punto.
Un punto importante ta preparacionnan pa Congreso
di Baseball y Softball (WBSC) cu lo tuma luga na
Botswana Africa den luna di october.

Pa prome biaha dicho congreso lo tuma luga hunto
bou un solo dak, esta Baseball y Softball.
Lo keda pendiente pa informacionnan relevante
despues cu conclui e reunion aki pa Aruba ricibi un
update.
Feliz Dia di Obrero!