Page 15 - KPA

NOTICIA DI POLIS: POLIS TA

DETENE EMPLEADO CU A

HORTA NA PALM ISLAND

editor
POSTED ON MAY 08, 2017, 11:03 PM
2 MINS
POST VIEWS: 490

ORANJESTAD, Aruba

Diabierna, pa mas of menos 5’or y 50 di atardi, Central ta dirigi patruya di San Nicolas pa Palm

Island pa un ladronicia. Na jegada di polis a papia cu e manager, kende a duna e nomber di e trahado
P. Segun e manager e compania Verizon tabattin un evento riba Palm Island, caminda cu tabatin
varios mercancia cu lo mester a wordo duna na e turistanan como un regalo. Aparentemente un di e

trahadonan a bay cu un cierto cantidad di mercancia. Un di e security nan a mira un trahado, JB ta
pone un saco di plastic cerca di e pier. Despues a bin resulta cu tabatin mercancia perdi of a wordo
horta. Riba un investigacion, a bin topa cu e articulonan horta cu ta pertenece na Verizon den e saco

di sushi, cu e trahado JB a laga atras na e pier. Ora cu P. a confronta e trahado cu e hecho y
circunstancianan y a puntre si e por a controla e contenido di su tas, cual el a bay di acuerdo. Den un
investigacion a bin haya algun otro articulo cu a wordo horta. E trahado a keda den un oficina

wardando riba polis. Patruya a tuma e keho for di e dama SH, kende tabata na encargo den organisa e
evento y tambe haya declaracion di e testigo. E homber JB a wordo deteni y hiba na warda di Santa
Cruz, caminda cu el a wordo presenta dilanti di fiscal auxiliar. Central a wordo poni na altura.