Page 41 - HOH JAN 26

Dus hende muhe Chines a hinca otro na Pos Chikito

Wednesday, 25 January 2017 23:32
Comparti

Riba Dia di Betico dos hende muhe di nacionalidad Chines basta jong a hinca otro den Betonicastraat na
Pos Chikito. Polis a wordo manda cu urgencia pasobra tin un pelea formal riba caya entre dos muhe.
Parce cu e polisnan di San Nicolas tabata sa caba kendenan tabata envolvi y a bisa central di Polis mesora
cu ta trata di problema di muhe cu muhe pa asunto di homber. Amante cu muhe a coy pelea cu otro riba
caya.
Na yegada a bin logra calma e situacion pero a bay over na detencion tambe. Tabatin pelea unda hasta a
agredi otro. Dos muhe Chines tabata herida uno mas serio cu otro. Uno cu corta na pia y otro den stoma.
Esun cu hinca na pia a keda deteni y e otro cu hinca den stoma a bay hospital den ambulance. Den
cercania tabatin un Honda color preto para. Den dje un homber Chines. E no por a mustra Polis
documento pero no a detene tampoco. Esun deteni a wordo hiba warda den dogcatcher. A avisa
Recherche di San Nicolas y a cuminsa un investigacion mesora riba e caso serio aki. Ta parce cu aki tin
jarloezie hungando un rol.