Page 27 - MIN ON

wordo hopi bon paga. Esey ta loke nos kier pa nan sa”, e ta splica un poco mas. Cabesante di Princess
Amalia Basis School, Roelin Hoffman a bisa cu for di momento cu nan a bay e anochi di informacion na
universidad nan a keda impresiona y mesora nan a bay bek nan seno y presenta e proyecto ‘Hour of
Code” na tur nan coleganan cu na nan turno a keda entusiasma mescos cu nan.

“Pa prome biaha henter un scol a participa. Ora cu nos a yama mr. Scholing na Biblioteca Nacional e la
spanta un rato mirando cu tabata papia di 320 mucha, pero cu hopi entusiasmo a hinca e plan den otro y
henter e scol a logra participa,” asina Roelin Hoffman a bisa. E ta sigui splica cu e muchanan di tweede te
cu zesde klas a bay Biblioteca Nacional unda cu nan a haci uzo di e salanan di computer pa participa y e
muchanan di eerste a haya nan turno riba dialuna den klas unda cu nan a haci nan parti riba papel. “Nos
kier yama danki na tur hende cu a haci esaki posibel. Nos a haya hopi boluntario cu a yuda siman pasa.
Nan ta di diferente instancianan manera universidad, SETAR NV, Aruba Digital Systems NV, meneer
Scholing di Biblioteca Nacional -- cu a yuda mi coordina esaki pasobra berdad e tabata un organisacion
un tiki pisa y Departamento di Enseñansa unda cu nos a pidi un afwijking di rooster pa por logra esaki,”
e ta conclui. Tur hende ta cla pa otro aña?