Page 7 - MIN ARENDS_Neat

Minister Arends A Reacciona Riba E Manifestacion Di

Comerciantenan Hunto Cu Prome Minister, E Tin

Oido P’e Situacion

 Politica
- 05/05/2017

E situacion den caya grandi tin atencion di henter Gobierno y en particular di Ministernan
Mike Eman y Richard Arends.

Minister Richard Arends a sigui e manifestacion di comerciantenan di caya grandi den
Parlamento y tin oido p’e situacion reinante.Arends ta bisa cu e ta convenci si cu caya
grandi ta den un transicion.“Gobierno di Aruba y mi Ministerio a facilita comercio cu
varios actividad, pero mester ta consciente cu e situacion ta cambiando.”“Nos no mester
perde fo’i bista cu e demanda di e consumidor a cambia. Esaki ta algo cu ta bay wordo
trata den e Hackathon edicion Oranjestad y mira kico t’e ideanan cu ta bay sali afo.
Ideanan pa comercio for di pafo di comercio y mira con brasa cierto oportunidad cu
tin.”Minister Arends a bisa cu e proceso no ta algo di awor. E turista Venezolano cu
tabata cumpra hopi ya no ta bin mas.Gobierno di Aruba a inverti enormemente den e
infrastructura di caya grandi. Hecho ta cu sector priva a pasa mescos cu Gobierno den e
crisis mundial.“Gobierno a recupera, pero nos mester tene na cuenta cu e patronchi di e
consumidor tanto di afo como local ta cambiando.Online Shopping y Internet Shopping a
bira e forma nobo di haci compras. Na luna di december so 60 mil hende a haci uzo di
internet pa haci nan compras di Pasco. Esey ta realidadnan cu nos no por cambia.
”Arends tabata masha cla den esaki.

“Gobierno su rol ta pa facilita, no solamente pa loke t’e parti infrastructural, pero tambe
pa mira kico hunto cu sector priva por bin cu ne p’asina crea mas actividad economico
den caya grandi.”