Page 15 - MIN VOS

Tri-atleta elite Renze Postma a sali pa un campo di
entrenamento na Bogota, Colombia

Friday, 17 February 2017 11:31
Comparti

Diahuebs ultimo e hoben tri-atleta Renze Postma a sali pa Bogota, Colombia unda pa 9 siman largo e lo
permanence den un campo di entrenamento. Renze lo entrena hunto cu e atletanan elite di Colombia na
Bogota. E atleta Postma lo entrena pa asina adapta na e haltura di e ciudad di Bogota pa den e siguiente
simannan restante entrena bou guia profesional.

Mester menciona cu despues di e campo di entrenamento na Bogota, e hoben Postma lo biaha pae ciudad
di Salinas, Ecuador unda e lo cuminsa prepara su mes pa e prome competencia oficial internacional di e
anja aki cual lo ta e 2017 Salinas CAMTRI Triathlon American Cup cu lo tuma lugar na dicho ciudad. Na
Salinas, Renze lo hiba 1 siman di preparacion pa despues compete contra e mihonan di e continente
America. E campo di entrenamento na Colombia lo fungi como un bon preparacion pa e atleta Postma
esaki pa cu su competencia den e CAMTRI Series 2017. Tras di tur federacion cu ta cumpli cu e
exigencianan stipula pa e Comision di Subsidio tin e ayudo financiero necesario pa por cubri tur e
gastonan. Comision di Subsidio y Lotto, e loteria di Aruba ta kere fielmente den e atleta cu kier yega na
un nivel mas halto. Pesey tambe ta duna e deporte tur sorto di sosten conforme cu e normanan stipula.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e
tri-atleta Renze Postma pa e campo di entrenamento na Bogota, Colombia. Cumprando weganan di
Lotto, e Loteria di Aruba bo ta contribui na deporte riba nos isla. Meta di e fundacion ta pa organisa
loteria, cambia bida di su hungadonan y na mes momento inverti den deporte local pa medio di
donacionnan na e Comision di Subsidio