Page 55 - SJA FEB 1

Evelyn Ras-Yarzagaray: E barera entre Famia Planea y e
hoben practicamente no tey mas

Tuesday, 31 January 2017 17:05
Comparti

Evelyn Ras-Yarzagaray, directora di Famia Planea a splica cu e drempel ta hopi mas abao entre nan y
hobennan. E hobennan ta acudi hopi mas facil eynan awendia. Por bisa tambe cu Social Media a haci cu e
barera practicamente no tey mas entre nan y e hoben.

Tin contacto cu mayoria di nan. Una bes cu ta trata sexualidad, ta haya hopi pregunta durante oranan di
anochi, den fin di siman y ta percura pa contesta esaki lo mas rapido cu ta posibel. Cada un di e
voluntarionan di un smartphone, dus ta den contacto constantemente ora cu un pregunta drenta. Ta
cosnan cu algun aña pasa no tabata tey. Nan tin cu warda of via email, tin cu warda ora ta trahando entre
8 y 4. Entre dialuna y diabierna. Awendia cosnan ta hopi mas accesibel. Una bes tin cierto preguntanan,
di biaha nan ta shoot’e via facebook y asina tin contacto directo, anytime den fin di siman, despues di
oranan di oficina y esey ta e orario cu mas nan tin mester, mas pregunta tin of inkietud cu ta biba, no
solamente entre e mucha muhe y mucha homber, pero hasta mayornan. Ta sinti cu ta hopi cerca y ta
purbando di contesta e pregunta y una bes cu tin e bond aki cu e cliente, ta haci cu e ta mas facil. Ta logra
drenta mas facil y ta gana e confiansa tambe ora di esnan cu mas mester dibo e momento ey.