Page 32 - MIN ARENDS

segun cu ta stipula pa ley. Aki na Aruba tin ley di leerlplicht. Leerplicht ta wordo mara
na edad y/of “startkwalificatie” (cual ta wordo comprendi bou di: un cierto nivel di scol /
diploma exigi). E edad y/of e diploma exigi ta wordo stipula a base di e maneho cu
gobierno ta ehecuta. Actualmente e ley di leerplicht introduce na Aruba ta,cu un alumno
mester ta na scol entre 4 pa 16 aña, of si e termina un scol secundario prome cu e edad
stipula. Si tira un bista di cua ta startkwalificatie cu ta wordo referi den leerplicht, ta EPB
Arbeidsmarkt. No mas, e “startkwalificatie” no ta wordo exgi den leerplicht.

Riba tereno internacional diferente estudio a wordo hasi riba e situacion cu ta cuasa
drop-outs. Di aki a resulta cu tin diferente motibo cu hobennan ta laga scol prome cu
tempo. E drop-outs ta wordo diferencia den 2 typo:

“Klassieke risicoleerling”.Esaki nan ta hobennan cu tin e situacion cu dificultad pa sigui
un enseñansa, cu ta wordo parti den:“Niet kunners”: hobennan cu no tin capacidad pa
logra jega na e startkwalificatie.“Verhinderen of overbelasten”: hobennan cu tin
capacidad pa logra jega startkwalificatie, pero circumstancia ta stroba / desmotiva nan
pa sigui nan enseñansa.“Opstappers”: hobennan cu sin tin historia cu problema, pero a
jega nan edad cu ta cumpli cu e edad di leerplicht (cu aki na Aruba ta momento cu e
hoben a cumpli 17 aña), y nan ta dicidi di bay traha sin tin un startkwalificatie.

Den rapport di “Drop-outs op Aruba” ta bin dilanti cu, a base di onderzoek y den dialogo
cu diferente partido cu tin di haber cu e fenomeno di drop-outs, a purba pa trece e
scenario di e problematica aki na Aruba. Lamentabelmente aki na Aruba no tin mucho
informacion cu tin di haber con drop-outs a bin ta desaroya durante e añanan escolar.
Tampoco no a logra haya rapportnan y/of cifranan mas reciente cu tin di haber cu drop-
outs.

Si tira un bista den rapport di CBS, por constata cu aki na Aruba e fenomeno di drop-
outs ta alarmante.E datosnan di CBS mester wordo aclarea: pa medio di tin cifranan
mas concreto y cua ta e situacionnan cu ta bin mas dilanti, por structura un maneho pa
e tema di drop-outs. Asina como gobierno bo sa unda pa bay inverti y cu lo duna
resultado positivo. Actualmente POR tin reunion di consulta cu diferente
stakeholdersnan den enseñansa. Pa medio di e reunionnan di consulta lo nos lo purba
jega na e scenario cu tin di haber cu drop-outs. Tambe nos lo manda preguntanan pa e
minister encarga cu enseñansa tocante di e tema menciona pa medio di
parlamento.Locual cu si mester bay wordo exigi y miho stipula den leerplicht ta
“kwalificatieplicht”. Kwalificatieplicht ta e ley cu ta stipula e startkwalificatie.