Page 22 - AVP
P. 22
Den e nader rapport riba e conseho di “Raad van advies” por tuma nota cu ta indica
claramente cu e concepto inicial a wordo wanta atras, despues di “consulta” cu Raymond
Knops. “Pa mi persona sigur e ta inaceptabel y condenabel cu Raymond Knops y
Hulanda kier bin actua contra nos estado di derecho y pretende di por mete tambe den e
organo Parlamento door di nan exigencianan. Ta asina cu Parlamento di Aruba tin te dia
17 pa haci pregunta riba e ley y lo trat’e dia 27 di mei”, asina Rocco Tjon a duna di
conoce.
CONSEHO DI RAAD VAN ADVIES
Corectamente “Raad van Advies” ta bolbe señala cu e ley aki cu Hulanda y Secretario di
Estado Knops kier impone riba Aruba ta empugna cu nos constitucion y cu Statuut di
Reino.
E ley ta mina e derecho di Parlamento, esta e “budget recht” y esaki ta algo cu como pais
democratico hamas por acepta. “Te unda mi persona sa, Raymond Knops y partido CDA
no a participa na ningun eleccion aki na Aruba”, segun Rocco Tjon.
PA CONCLUI
Dia 27 di mei e ley aki lo wordo trata y fraccion di MEP lo percura pa respet pa nos
democracia wordo restaura y tambe recupera nos autonomia financiero. Den e proceso
rumbo pa trata e ley lo informa pueblo debidamente riba e contenido di e ley di Raymond
Knops y splica locual de facto e kier impone riba Aruba.
