Page 12 - AWEMAINTA
P. 12
12 AWEMainta Diahuebs, 17 Januari 2019
Corte di Prome Instancia awe tin varios caso pa atende
Horario Sospechoso Acto Castigabel
08.30 A.A.M. M. ta wordo acusa di ladronicia cu violencia riba 8 di juni 2018. E violencia a
encera cu el a tene un persona di patras y a ranca su cadena.
09.00 M.L.M. M. ta wordo acusa di a menaza un persona cu morto riba 18 di oktober 2017,
dor di intencionalmente saca un airsoft gun y pone riba dje y bise: “Mi ta bay
tira bo mata”.
09.30 J.P.J.C.K. K. ta wordo acusa di a maltrata un persona riba 8 di oktober 2017, dor di
dal e varios mokete na su cara, a consecuencia di cual e persona a keda grave-
mente herida.
10.00 J.L.R.d.M. R.d.M. ta wordo acusa di a maltrata un persona riba 22 di oktober 2017, dor
di dal e varios biaha cu mokete na su cara y curpa, y dor di pushe cu su rudia
den un cusinchi. E ta wordo acusa di a maltrata e mes persona riba e mes dia,
dor di gare tene y/of dal su brazanan y/of choke.
10.30 L.M.M. M. ta wordo acusa di a maltrata un y/of tres persona riba 15 di oktober 2017,
dor di dal dos di nan varios biaha na cabez y curpa y dal e otro cu piedra na
su cabez. E ta wordo acusa di a destrui auto di un di e personanan aki dor di
basha e windshield aden riba e fecha en cuestion.
11.00 S.E.D. D. y J. ta wordo acusa di, conhuntamente cu un otro of otronan, ladronicia di
M.M.J. un suma di mas di 41.000 florin di un hotel den e periodo di prome di sep-
tember 2016 pa 29 di mei 2017.
Dama a dal cu su Hyundai Getz contra un cashi di coriente
DIAMARS merdia Polis a bay den
area di Sero Lopes, unda un auto lo
a baha caminda y dal un contra un
cashi di coriente.
Informacion cu Polis a haya ta bisa cu
e dama chauffeur ta bastante altera y
histerica tambe.
Na yegada di patruya esaki no tabata
e caso, e dama hoben tabata trankil y
a splica Polis kico a pasa.
Segun su version, un otro auto po-
siblemente lo a haci algo straño riba
caminda. E dama na su turno kizas pa
evita un dalmento a baha caminda y
dal den un cashi di coriente.
