Page 34 - AVP

E vision di sr. Nelson Oduber e tempo ey a resulta uno corecto y en especial na momento
cu refineria Lago a cera su portanan na 1985 y cu nos pais a dicidi di concentra riba
desaroyo di e industria turistico, cual a lo largo a bira e pilar economico solido di nos
pais.

Debi n’e Plan Sasaki aki den transcurso di añanan un gran cantidad di hotel, condominio,
shopping mall, cinema, restaurant, supermarket, night club y otro actividadnan recreativo
a ser desaroya den e area turistico aki.

Pues Plan Sasaki tabata fundamental pa cu e infrastructura y desaroyo exitoso di nos
industria di turismo den e añanan siguiente.

Mirando e hecho cu pa 35 aña largo e asina yama den boca di pueblo “Sasakiweg” nunca
a haya un nomber oficial di parti Gobierno, awor t’e momento propicio pa nombra e
caretera principal aki na nomber di e gran Arubiano Nelson Orlando Oduber y esaki
danki na su vision y determinacion pa cu Plan Sasaki.

Partido MEP ta gradici Gobierno p’e decision aki y ta felicita Nelson Oduber y famia cu
e reconocemento bon mereci aki.

E ceremonia oficial di cambio di nomber den Avenida Nelson Orlando Oduber lo tuma
lugar dialuna awor 19 di augustus 2019 n’e luz di trafico banda di Guardian Group pa
6.30 di atardi.

COMENTARIO
Na Aruba, pa un ciudadano haya reconocimento, e mester ta un politico y afilia n’e
partido na mando e momento ey. Ningun otro ciudadano no por bin na remarke pa ningun
otro reconocimento.

Mira p.e. con e ciudadano, Clyde Harms a propone p’e mesun caminda aki na augustus
2018, na “Straatnamencommissie” pa cambia Sasakiweg pa Oscar Henriquez Boulevard.

Oscar Henriquez, un Arubiano multifacetico cu a destaca como deportista, empresario,
politico y gobernante, pero nunca a haya un reconocimento publico. Como politico y
gobernante, Oscar Henriquez a laga un legado di exito specialmente den turismo.

Pero manera observa, bo mester ta liga na partido na poder, pa haya reconocimento.