Page 8 - ARUBA BANK

10 AWEMainta Diabierna, 16 November 2018

Ripiticion di Workshop Idea:

“Time for Taxes” tabata bon atendi

DIA 13 november 2018, IDEA (Iniciativa pa Desaroyo pa Empresa
Arubano) a ripiti a base di peticion di nan clientenan, e workshop:
“Time for Taxes”.
E oradornan di Departamento di Impuesto (DIMP), sres. Arjan Kisjes,
Valeska Milton-Genaro y Johrainne Giron-Lacle, a presenta e siguiente
topiconan: Inkomstenbelasting: Winstbelasting: BBO/BAVP/BAZV:
Loonbelasting y primanan social: Verzamelloonstaat: Verzamelstaat op-
gaaf derden.

Na final di e workshop sra. Meverly Romano, vocero di DIMP, a pre-
senta e website di DIMP caminda e ta demostra tur e informacion y
formularionan cu ta acesibel riba e website y tambe pa informa e partici-
pantenan di cierto cambio cu lo bay tuma lugar otro aña.
Durante e presentacion, e participantenan a haya oportunidad pa traha
riba casus caminda nan por a practica e teoria cu nan a ricibi durante e
presentacion.

Un workshop sigur hopi interactivo y un tremendo presentacion di parti
di e team di Departamento di Impuesto.
Un total di 35 persona a participa den e workshop menciona. IDEA ta
sumamente contento cu e acogida di e workshop y e bon comentarionan
ricibi di su participantenan.
Semper belasting ta keda un topico hopi importante pa nos comercian-
tenan y p’e motivo ey nos lo bay ripiti e workshop aki tur aña pa nos
comerciantenan.

Tambe IDEA kier remarca cu nan workshopnan ta gratis y ta dedica na
un y tur cu kier cuminsa un negoshi of tin un negoshi existente y kier
educa nan mes riba diferente topico comercial.
Un danki na tur e participantenan y un danki special n’e presentador-
nan di Departamento di Impuesto cu a comparti nan experticio cu tur
esnan presente.

IDEA ta gradici tur e coleganan di DEZHI cu a yuda na un of otro
manera.
Semper keda pendiente pa mas di nos actividadnan y sigui nos riba
Facebook page @Idea-Aruba pa mas workshop den futuro.