Page 40 - FDLP
P. 40
Studiantenan di IPA a aporta na
diferente vakantiekamp na Aruba
Posted on 08/2/2018 10:37 am AST | Updated on 08/2/2018 10:37 am AST
SAN NICOLAS - Curiculo di Instituto Pedagogico Arubano (IPA) ta brinda e
studiantenan espacio pa aporta na e comunidad di Aruba pa medio di entre otro e asina yama
Vrijestudiepunt (VSP). Di e manera aki e studiantenan ta haya oportunidad pa participa na un
proyecto cu ta encera un ‘joint venture’ entre e institutonan den comunidad y IPA. Ta keda liber
na cada studiante con e kier duna contenido na esaki, teniendo cuenta cu e rekesitonan prescribi
di IPA. E studiante mes por scoge na cua instituto of organisacion e kier sigui desaroya su mes
p’asina adkiri mas conocemento, y habilidad cu ta contribui na su desaroyo propio y profesional.
E aña aki varios studiante a scoge pa traha como boluntario na diferente Vakantiekamp pa nan
proyecto di VSP. Banda di nan meta personal e studiantenan aki ta brinda nos muchanan e
oportunidad pa disfruta di nan vakantie na un manera educativo y creativo den un ambiente sano.
E studiantenan a aporta grandemente na e contenido di e programa. Nan a fungi como guia di
grupo y a haci diferente actividad cu e muchanan.
