Page 18 - AM190301
P. 18
18 AWEMainta Diabierna, 1 Maart 2019
Diasabra y diadomigo di parada di Carnaval Bureau City
Inspector lo parti saco pa sushi riba ruta di Carnaval
MIRANDO e bon cooperacion cu nan a haya ultimo
paradanan y e bon cooperacion cu e publico nan a dicidi di
bolbe subi ruta di Carnaval pa por reparti saco pa por tira tur
desperdicio aden durante di Carnaval.
Segun e Relacionista Publico di City Inspector, Robby Rosel,
mayoria di e paradanan nan a parti saco pa publico y p’asina
stimula nan pa no tira desperdicio riba caminda, pero pa tire
den un saco di sushi.
Durante Carnaval di Mucha Oranjestad nan por bisa cu e
mensahe di no tira desperdicio riba caya ta yegando y ta
drentando den nos hendenan pa no tira boter, cups, bleki
of otro desperdicio riba caya, pero deposite den un saco di
sushi.
Mescos na San Nicolas tambe ta haci bon uzo di e saconan
aki. Nan di B.C.I. lo ta reparti saco pa bo por tin na bo kavel
pa tira tur bo desperdicionan.
Diasabra parada di San Nicolas nan lo sali reparti saco 2 ora
prome cu e parada sali y tambe lo pone cant’i caminda pa tira
tur desperdicionan aden. Camida e team di Serlimar lo pasa
recoge e sushi nan aki despues di parada.
P’e parti di B.C.I. nan team lo pasa controla despues di e
limpiesa di Serlimar pa por controla full e ruta si el a keda
limpi cual sigur nan team lo bay ta haciendo cu hopi bon
control pa mantene e caya di San Nicolas y Oranjestad limpi.
Diadomingo di parada grandi na Oranjestad nan lo sali cu
reparticion di saco y ponemento di saco pa 4 or di madruga
hunto cu e team di DOW cu lo bay ta ponendo baricada riba
e ruta di Carnaval nan lo bay ta poniendo saco mara na cada
un di e baricadanan y tambe cada un kavel pa por tira tur
desperdicio den e saco aki pa ora cu parada caba di pasa bo
dilanti Serlimar por pasa busca e saco aki .
Nan di Bureau City Inspector kier pidi tur cooperacion di
parti publico pa coopera cu e team di Serlimar cu ta recogien-
do e sushinan aki y ban mantene bo kavel limpi, corda cu
bo mester kita tur cos despues di parada,corda ultimo dia pa
kita bo trailer ta dia 11 maart 2019 y corda cu nos di B.C.I.
lo controla tur esaki p’asina nos Aruba keda limpi y bunita.
Mas cu claro den nomber di BCI, Robby Rosel kier a desea
tur hende un Carnaval sano y limpi.
