Page 17 - HOH
P. 17
Bus di Arubus ta slip riba caminda muha dal y herida
chauffeur di pickup di Ecotech
Saturday, 11 February 2017 18:42
Comparti
Den oranan di anochi a sosode un accidente cu hende herida na San Nicolas.Un bus di Arubus a dal
masha duro mes causando daño personal na un chauffeur di un pickup.
E chauffeur di Arubus a splica cu e tabata bahando e sero di Lago Heights. E caminda tabata muha y
bahando e sero el a brake y pa motibo di e velocidad, e bus a slip bay dal den e pickup cu tabata subiendo
e sero. E impacto a causa cu el chauffeur di e pickup a haya un kap na su cabez. Ambulance a wordo pidi
mesora na e sitio. Eynan a atende cu e victima cu no tabata asina seriamente herida. A bay cune Hospital.
Takelwagen a wordo avisa pa bay cu e pickup. Cu e accidente aki nifica cu e bus mester a sali for di
circulacion. Algun pasahero cu tabata abordo di e bus mester a subi otro bus pa sigui nan destino. Un tiki
awacero cu un caminda slip na bahada di sero ta un peliger semper pa trafico.
