Page 20 - MIN SJA 14 JAN 2017

Construyendo Progreso Minister Croes ta aplaudi
iniciativa di guia comunitario www.org.aw

Friday, 13 January 2017 19:47
Comparti

Diahuebs 12 di Januari CEDE Aruba a lansa nan guia comunitario digital www.org.aw . Minister
Paul Croes ta considera e iniciativa pa cu www.org.aw uno excelente mirando cu ta trata aki di
brinda e comiunidad di Aruba un servicio na unda cu por medio di un caminda central, pueblo por
tuma nota di tur instancianan, fundacionnan, departamentonan, servicionan cu ta wordo otorga na
nos comunidad den differente area.

Como Minister di Asuntonan Social, Labor y Hubentud, Minister Croes ta kere cu e apoyo cu e
website aki ta bay brinda na e sector social ta uno inmenso mirando cu e personann cu ta busca e
differente fundacionnan aki, por bay na un caminda central y hanja tur informacion rekeri y
necesario pa cada ciudadano. Sea ta trata di abuso di mucha, apoyo social pa esnan mas vulnerable,
abuso contra hende mohe etc, e website aki lo prove pueblo cu tur datos, guia y informacion pa por
ricibi asistencia for di e instancia concerni. Minister Paul Croes ta gradici y felicita CEDE Aruba pa e
iniciativa importante aki cu ta brinda un servicio excepcional na nos comunidad.

Pa finalisa e Minister ta invita un y tur pa haci uso di e website www.org.aw tanto pa brinda
informacion y sera pueblo conoci cu bo servicionan y tambe tur esnan cu ta en busca di informacion
di un di e mas di 180 servicionan cu actualmente tin riba e website.