Page 9 - DIG JAN 24

36 AWEMainta Diamars, 24 Januari 2017

Lagrima di un Lider

Lagrima di un lider
dia sin spera
el a wordo herida.

Lagrima di un lider
ora el a bolbe su pais
y a sunchi su suela stima.

Lagrima di un lider
ora den su lucha
nan a yam’e pa loco.

Lagrima di un lider
dia el a sclama
“Mi t’un tata particular.
Mi ta tata di henter un pueblo”.

Lagrima di un pueblo
ora na cambio di aña
a tende di su accidente.

Lagrima di un pueblo
riba 25 di januari
pa recorda su natalicio.

Lagrima di un pueblo
p’un lider cu curashi
si na bida e tabata
ta 79 nos lo a celebra.

Un cos ta sigur
bo pueblo lubida bo?
HAMAS!
Marva J.Solagnier-Marquez

Prins y Panchonan di

Carnaval 63 a ricibi

nan premio na SETAR

RECIENTEMENTE Shahaira Labad,
hefe di mercadeo di SETAR a haci entrega
di premio na e ganadornan di e titulo di
Prins y Pancho di Carnaval di Aruba.

Manera ta conoci Aruba conoce su Prins
cu Panchonan den categoria:
Infantil: Prins Por (Li-Angelo Quandt) y
Pancho Mas (Shaiyron Alexander) repre-
sentando Champagne Carnival Group.

Hubenil: Prins Bo Tin (Giomar Leocadia)
y Pancho Curashi (Lixander Lambrinos)
representando Dushi Carnival Group.

Categoría di Grandi: Prins Milk (Randy
Hernandis)y Pancho Shake (Roberto
Hernandis) representando Champagne
Carnival Group.

Un pabien ta bay pa tur cu a participa y
specialmente e ganadornan di e competen-
cia di talento aki.