Page 62 - FDLP
P. 62
Sumamente exitoso XVII Aruba Dolphins
Invitational.
10 HORA PASA , 6 DI NOVEMBER 2018 12:24
SECCION: DEPORTE
Riba dianan 2,3 y 4 di November 2018 a tuma lugar e campeonato di landamento pa atletanan
local y internacional cu e nomber di 17th Aruba Dolphins Invitational.
En total a participa 10 club di natacion cu no mesnos cu 191 landador na e campeonato aki,
esta Bonaire Barracudas, Casa d'Italia Zulia di Venezuela, Club de natacion Guadalajara di
Colombia, Sithoc, Typhoon y Orca di Curacao, Stingray Swimming, Orcas Swim Team, Sports
4U y Aruba Dolphins di Aruba.
Despues di un weekend largo y intenso varios di e landadonan a logra di drecha nan temponan
personal den e diferente estilo y distancianan. Pa locual ta meet record tabata tin un total di 8
record incluyendo 4 relay di diferente landado di diferente ekipo.
High Point Trophy a bai pa esnan cu a logra acomula mas hopi punto den nan categoria:
Dianthe Kock di Stingray Swimming y Kenyon Raper Ricardo di Typhoon Swim Club. Anezka
Tromp di Stingray Swimming y Shamire Leander di Typhoon Swim Club. Xiara Mora Polanco di
Sithoc Swim Club y Jaydon Croes di Stingray Swimming Chloe Farro di Aruba Dolphins y
Alexander Angela di Sithoc Swim Club.
