Page 2 - MIN SOC

Diabierna 10 Februari 2017 Pagina 9

Biblioteca Nacional Aruba ta ofrece un curso

cortico, titula ‘Spirituality and life values’

Esaki ta tuma lugar na Maart

Biblioteca Nacional
Aruba ta ofrece un
curso cortico na Maart,
titula ‘Spirituality and
life values’. Esaki ta un
curso di 4 sesion cu ta
tuma lugar na biblioteca
na Playa, dialuna atardi
di 5or y cuarto pa 7or
y ta costa 75 florin pa
persona. (6, 13, 20 y 27
di Maart).

Curso ta na Ingles.
Registracion ta
posibel via info@
bibliotecanacional.aw.
Rabbi Daniel Kripper ta
duna e curso aki. Rabbi
Kripper ta un orador
publico reconoci y
educador riba temanan
tocante spiritualidad,
religion y sicologia. Sr.
Kripper ta e actual lider
spiritual di

Beth Isreal, e comunidad
Hudiu di Aruba.
Spiritualidad y balornan
di bida Storianan pa
e alma: Un bista den
nos dimension spiritual
atraves di storianan di
e Kabbalah, e antiguo
tradicion mistico
y su significacion
contemporaneo.

Resumen: Storianan cu
ta inspira, proverbio y
parabola cu ta yuda nos
enfrenta bida for di e
perspectiva di speranza.

Con alegorianan di
pasado por ta relevante
pa nos, den e nos
mundo di tecnologia
avanza y cu ta cambia
constantemente? Hunto
ta busca contestanan
den storianan selecta
tocante temanan manera
‘escogencia y fe’; ‘salud
mental y locura’; ‘exito y
fracaso’; ‘individualismo
y responsabilidad’; ‘bida
comunitario y libertad
personal’.