Page 92 - MIN ON

Partido AVP y su hala hubenil HAC ta anuncia actividadnan
riba beach Pasco Grandi

Tuesday, 11 April 2017 22:00
Comparti

E hala hubenil HAC di partido AVP ta ranca sali cu un monton di actividad riba beach pa hende di tur
edad.

E Easter Eagle Beach Bash ta tuma lugar riba diadomingo, Pasco Grandi, 16 di april di 12or di merdia
pa 8'or di anochi. Ta bay tin tur clase di deporte manera beach tennis, beach volleyball, beach soccer
y bataya cayente di domino. Ta bay tin un celebrity fitness challenge. Tambe lo tin competencia di
BBQ y ta bay buscamento di webo riba beach.

Diamars atardi lider di partido AVP Mike Eman a anuncia e eventonan aki rondona pa un cantidad
grandi di hobennan cu ta pertenece na HAC, presidente di HAC Eldrick Boekhoudt y demas miembro y
simpatisante di e partido berde. Ademas di actividadnan di deporte, tin un programa musical hopi bon
hinca den otro. E musica ta na gusto di tur edad. Asina por menciona dj'nan local manera Spike, Sky,
Nutzbeatz, Jason Croes y Vibes. Banda di tur esaki ta bay tin presentacion di Perfect Sound y Tsunami
cu lo pone e lugar tembla. Pa corona e obra mahestral aki ta bay tin diferente premio cu ta wordo rifa
entre esnan presente. Wak pa bo tey. No laga otro bisa bo con bon e ambiente tabata, bin experenci'e
bo mes. Partido AVP ta warda bo.