Page 46 - ATA

Hecho ta cu FTA ta negosha y cera contratonan colectivo di trabao (CAO) cu mas cu 50
empresa na nos isla.

Hecho ta cu F.T.A. su maneho y finanza ta wordo controla y aproba anualmente den
congresonan cual ta wordo atendi pa mas di 90 delegado den representacion di mas di
3000 miembro afilia.

Hecho ta cu FTA su organizacion, banda di tin un Departamento Administrativo, ta conta
cu un

Departamento di Negociacion (DENEG) dedica specificamente na negocia contratonan
colectivo.

Ademas FTA tin su Centro di Formacion (CENFOR) cu ta prepara sindicalemente tanto
su

delegadonan como su miembronan en general. FTA ta conta tambe cu su Departamento
di Keho,

Disputa y Conflicto (KDC) cu tin como tarea intermedia cu gerencia di empresanan afilia
na momento cu miembronan tin problema na pia di trabao. Si acaso esakinan no por
wordo resolvi na mesa, FTA tin su Departemento di Asunto Legal (DAHU) cual por
medio di su abogadonan ta encarga di procede legamente na defensa di su miembronan.
Tur e servicionan aki ta inclui den bo miembrecia mensual, sin necesidad di haci pagonan
adicional.

Laga e hechonan concreto y verificabel aki ta bo guia na momento di haci bo esogencia
p’e sindicato cu abo ta desea pa sali na defensa di bo interesnan como trahador, dirigencia
di FTA a conclui.