Page 2 - ARUBA BANK
P. 2
Ainda por registra pa “Pink Walk 2018” di Mary
Joan Foundation “Let’s beat it!”
October 21, 2018
ORANJESTAD, Aruba – 21 di October 2018: Dia 28 di October proximo lo tuma luga e caminata di Mary
Joan Foundation, conoci como e “Pink Walk 2018”. Mary Joan Foundation ta corda comunidad pa registra. E
caminata ta pa trece conscientisacion riba e tema di cancer, pero tambe ta duna sosten na esunnan cu ta
luchando contra cancer di pecho y tambe ta honra esunnan cu a fayece. E tema di e caminata e aña aki ta “Let’s
beat it”.
Meta di e evento aki ta pa yuda Mary Joan Foundation recauda fondonan pa asina nan por sigui cu nan trabou
den comunidad. Cu e fondo aki e fundacion por sigui duna sosten na esunnan cu ta luchando contra cancer di
pecho, pero tambe na nan famia. Un di e proyectonan cu e fundacion tin y a inicia esaki e aña aki ta “Un
Peluca Un Sonrisa”. Door di e proyecto aki nan por traha peluca pa esunnan cu tin cancer mester di dje.
E deseo ta pa yega na 1000 participante, p’esey Mary Joan Foundation ta invita tur hende pa inscribi pa yuda
sigui cu e lucha contra di cancer di pecho.
