Page 5 - MIN ECEM 29 NOV 2016

ARUBA

ORGUYOSAMENTE A

RICIBI CARNIVAL

MAGIC, CARNIVAL

VISTA Y TUI

DISCOVERY PA PROME

BIAHA NA ARUBA

Published on November 28, 2016 in Local
ORANJESTAD, Aruba

Aruba Tourism Authority, Ministerio di Turismo, Aruba Ports Authority, Aduana di Aruba, y
agente SEL Maduro & Sons tabata e representantenan di e delegacion di Aruba y orguyosamente
a ricibi e crusero di Carnival Magic y e crusero TUI Discovery y Carnival Vista na
Aruba.Carnival Magic ta forma parti di Carnival Cruise Line cu ta aporta cu mayoria pasahero
crusero na Aruba. Durante e prome bishita di e crusero aki e capitan di e crusero Carnival Magic,
señor Antonio Marchetti a intercambia plakaat cu e representantenan di e delegacion di Aruba.
Señor Mario Arends, Cruise Manager di Aruba Tourism Authority a hiba palabra di
gradicimento na e Capitan y a duna un bon bini na e pasaheronan y e tripulacion di e crusero y
alabes a invitanan pa nan disfruta di nos dushi Aruba. Tambe a hiba palabra e director di SEL
Maduro & Sons, señor Hans van Esveld cu ta agente di e Carnival Cruise Line cu ta bishita
Aruba.E crusero Carnival Magic a bai den operacion na aña 2011 y tin un capacidad maximo di
4,675 pasahero y 1,380 miembro di tripulacion. E barco ta midi 306 meter di largura. Aruba ta
bai ricibi mas bishita di Carnival Magic durante 2017 riba fechanan 6 di juni, 7 di july y 29 di
augustus. Carnival Vista cu tabata tin su prome biahe na mei di e aña aki ta e barco mas nobo cu
ta forma parti di e flota di Carnival Cruise Line. Durante su prome bishita e capitan di e crusero
Carnival Vista, señor Stefano Battinelli a intercambia plakaat cu e representantenan di e
delegacion di Aruba cu ta consisti di Mario Arends, Cruise Manager na A.T.A., Johnny Martes,
Risk manager di Aruba Ports Authority, y tambe Mariela Fingal di parti di SEL Maduro and
Sons. Marisol Sanchez di parti Ministerio di Turismo y Roderick Wouters di parti AduanA di
Aruba tambe tabata presente pa cu e acto ceremonial.E crusero aki tin un capacidad maximo di