Page 27 - MIN VOS_Neat

SOSTENIENDO CAMPEONATO NACIONAL

DI DOMINO 2017

May 22, 2017 Admin Uncategorized Leave a comment

ORANJESTAD, Aruba – Diabierna anochi a tuma luga apertura di e campeonato
nacional di domino 2017-2018 patrocina pa Balashi. E evento a tuma luga na
Riverplate. Minister di Salud Publico, Cuido di nos Grandinan y Deporte, dr.
Carlos “Alex” Schwengle tabata presente, no solamente pa habri e campeonato,
pero tambe pa bati poco domino. El a desea tur e participantenan hopi exito.

DAKOTA TA NA PROME LUGA DI PLAY-OFF

2016/2017

May 22, 2017 Admin Uncategorized Leave a comment

ORANJESTAD, Aruba – E weganan di play-off 2016/2017 di Arubaanse Voetbal
Bond a continua diaranson y diahuebs fuertemente na stadion Guillermo
Prospero Trinidad na Dakota. E aña aki a dedica e campeonato na Theo Ruiz,
Cadochi Kock, Betto Peña y Frans Dijkhoff.

Diaranson anochi pa Britania a topa cu Deportivo Nacional den un wega cu
ambos team a subi tereno dicidido pa gana. Desde inicio di wega ambos team a
hunga na un nivel halto y a percura cu tur fanatico por a disfruta di un bon
wega. Den e prome 15 minuut di wega e prome carchi geel di wega ta cay pa
Jonathan Ruiz y na di 39 minuut Miguel Guitierrez di Britannia. A anula e prome
gol di Nacional ora cu linesman a hisa e bandera indicando offside.

Ambos team a keda ataca area di gol y faltando algun minuut pe prome tempo
termina, Sebastian Montoya di Britannia a anota e prome gol di wega. Den e di
dos tempo Darwin Oliviera di Deportivo Nacional a empata e wega. Deportivo
Nacional a bay ariba cu gol di Roy “Killer” Albert pa haci e wega 2-1, pero
Britannia no a rindi y ta empata e wega cu gol di Luis Estrada.

Ambos team a sigui bataya fuerte y na 70 minuut Chito v/d Biezen a haya e
prome carchi geel pa Deportivo Nacional, mientras cu na 81 Luis Estrada a ricibi
e ultimo carchi geel di anochi. Na di 90+1 minuut di wega Nacional a bay ariba
cu gol di Darwin Oliviera haciendo esaki 3-2. Tur hende a kere cu Nacional lo a