Page 32 - HOH

- Co-sleeping, cu babynan ta drumi mas cerca di e mama den su cuna of riba cama
entre mama y pareha. Asina aki e mayor lo tin mas trankilidad y sosiego, pasobra e baby
ta band’i bo y cualkier zonido e haci bo por scuch’e;

- E baby ta sinti’e mas trankil pasobra e ta den un ambiente cu tin hende band’i dje;

- Produccion di lechi ta mas lihe;

- E ta bay mas largo na bebe lechi, pasobra e mama ta trankil, e ta den un ambiente
cu ta sinti su mes sigur.

Jelka Gumbs-Castro, kende ta un “Obstetrics/Gynecology Nurse & Lactation Specialist”,
a duna di conoce cu e siman a bay bon y a haya bon participacion, hasta sin spera a haya
coleganan di otro departamento for di hospital cu tambe kier a participa. Eynan por mira
e importancia pa mas informacion rond di dunamento di pecho. Asina e enfermeranan tin
mas informacion pa por pasa esaki na mamanan cu ta duna pecho.

A plania e Breastfeeding Week p’e empleadonan di hospital mes, esta unidad di
maternidad y pediatria. Na un manera of otro esaki a yega na enfermeranan pafo di
hospital, manera di Wit Gele Kruis cu tabata interesa na participa y man habri a tuma
nan.

A gradici parteranan Michael Quandt y Stephanie Daal, tambe pediatra dr. Louise Rafael,
y enfermeranan specialisa den lechi di pecho Marlene Giel y Francine Franca, kendenan
tambe a duna nan parti pa haci e siman aki uno posibel. Tambe ta gradici tur esunnan cu
di un of otro mane a contribui na e siman exitoso aki y tambe Visser Trading,
Mediscosmetic, Aruba Medical Supply, Aruba Trading, Midela y Oduber Agencies.
Danki ta bay tambe na tur partera, enfermera di hospital y Wit Gele Kruis pa participa na
e evento aki.

E ta hopi importante pa sa di lechi materno, specialmente den trabou di enfermeranan,
pasobra nan ta e prome persona cu mamanan ta topa despues di a duna luz, asina
Francine Franca, enfermera di maternidad y specialista di lechi pecho, a duna di conoce.