Page 25 - ATA

Actualmente tur documento, informacion y prueba recauda desde cu e acusacionnan aki
wordo haci ta den man di e abogado cu ta representa Aruba Airlines internacionalmente,
pues un carta di “Cease & Desist” a wordo manda pa e abogadonan di “Kivaki Law
Firm” y e organisacion di “Cuban Prisioners Defenders” pa nan rectifica riba e
acusacionnan aki publicamente.

Entre varios otro aerolinea cu ta realisa vuelonan entre Havana, Cuba y Georgetown,
Guyana, Aruba Airlines ta e unico cu a wordo menciona. “Nos ta considera e accionnan
aki como un acto di difamacion como tambe un intento pa daña e imagen di nos
compania. Nos tin bista riba e situacion aki hopi di cerca y den caso cu e rectificacion
publico no tuma luga, nos ta cla pa tuma pasonan legal pa daño y perhuicio”, asina
Gerencia di e aerolinea a indica.

Aruba Airlines ta sigura cu orguyosamente nan ta representa e aerolinea local di Aruba,
operando exitosamente pa 6 aña caba cu vuelonan regular pa Barquisimeto, Boneiro,
Curaçao, Havana, Georgetown, Maracaibo, Miami y Valencia. Tur vuelo y operacionnan
ta cumpli cu standardnan global pues nan ta wordo regula pa “International Air Transport
Association” (IATA), como tambe pa “International Civil Aviation Organization (ICAO).

“Nos ta para firme pa ofrece siguridad, eficiencia y sostenibilidad aereo na nos
pasaheronan y nos ta confirma cu nos no tin nada di haber di e caso di e 2 pasaheronan
Cubano, ni tampoco nos ta complice di e Gobierno Cubano pa cu e caso aki. Nos lo sigui
cumpli cu e standardnan aereo y di siguridad manera leynan local y internacional ta
stipula”, asina e representante di e aerolinea local a sigura” e aeroliña ta finalisa bisando.