Page 51 - ARUBA BANK

Gobierno lo bay stop e periodieknan y tambe e sistema di haya un compensacion
automatico.

Shete punto cu tur hende sa cu esaki lo no bay funciona, pues tira para sin contenido y
nos a bise for di prome dia cu e cos aki e lo no bay logre.

Awor nos por mira un Gobierno cu a bin ta grita pa hopi tempo caba cu tin un crisis
social, a duna e Minister di Asunto Social 17 miyon supuestamente pa atende y soluciona
e crisis social, e no a haci nada.

Awor kier core traha un fondo pa sconde e placa aki den e fondo pa despues di eynan nan
haci loke nan kier y pasa pret.

Fraccion di AVP a yega di mustra Gobierno cu si no tin advies riba e asunto aki, nos no
por para banda di e punto aki, ya cu e punto aki bin cerca nos, caminda ta duna
specificamente kico y con ta bay usa e placa y awor ta bin bisa cu nos no por haci’e”.

Manera Marlon Sneek a yega di bisa mas c’un biaha caba, esaki ta un Gobierno
incompetente y tin un nota di cambio caminda a specifica bon cla unda e suma di 17
miyon aki lo bay y di con esaki no a bay ainda ningun hende sa.

Di otro banda dicon e tin cu bay den un fondo? Kico a pasa? E tipo di preguntanan aki
nos tin, caminda un Gobierno incompetente cu ta cana saca potret y haci show, pero nada
di trahamento.

Esaki ta un Gobierno cu a percura pa persecucion politico, a percura pa Friends & Family
y banda di tur esaki, un Gobierno cu ta tuma medida contra pueblo.

Esey t’e tres cosnan cu nan a haci te cu awor y nada mas y awe por mira consecuencia di
e incompetencia aki.

E Minister awor ta pidi pa lanta un fondo p’e por usa su crisisplan, pero ora cu e mester
tabata na Aruba pa traha, e tabata na Venezuela ta keiro of na otro pais bebiendo
champaña y ta sigui keiro y pesey nan no sa kico pa haci.

Nan no sa con pa goberna y e Gobierno aki a basa su mes riba crisis, usando nomber
di criaturanan tur caminda, pero awe kico nos tin?