Page 58 - ARUBA BANK

CAft ta menciona tambe den su reacción cu no ta mira decisionnan concreto for di
Gobierno pa baha e gasto nan di personal manera palabra.

A keda palabra cu lo baha e gastonan di personal cu Afl. 12,2 miyon den 2018 pero no

a tuma ningun paso concreto te ainda pa haci esaki. Lo mester bay atende esaki den e
di dos mita di aña pa asina por logra baha gasto. E efecto di e medidanan aki lo mester
bira visibel den e di tres y di cuater rapport di Gobierno na CAft. CAft a menciona cu
nan lo kier mira di awor caba Kico ta e decisionnan concreto di Gobierno cu lo conduci

na bahamento di gasto di personal pa esaki no sobrepasa Afl. 470,7 miyon durante aña
2018.

E entrada nan den su totalidad ta yega un suma Afl. 668,3 miyon. Loke ta resalta ta cu

e extra atención di DIMP pa cu recuperacion di cobranza ariba e terreno di
winstbelasting y grondbelasting ta kedando atras. A logra cobra Afl. 15,7 miyon so
extra. CAft ta recomenda pa intensiva e recuperacion di cobranza
(“invorderingsactie”)ariba e terreno di winstbelasting y grondbelasting durante e di dos

mita di aña.

E entradanan di impuesto indirecto pa cu e prome mita di aña 2018 ta yega na un suma
total di Afl. 232,1 miyon. Por mira un adelanto di Afl. 10,6 miyon pa cu entrada nan di

importacion (“invoerrechten”) si compara esaki cu e entrada nan di aña pasa.
Mehoracion di “compliance” pa cu e tramite nan di Douane ta dunando su fruta nan. E
resultado di BBO durante e prome mita di aña ta yega na un suma di Afl. 55,0 miyon.
CAft ta premir aun aumento durante e di dos mita di aña mirando cu a ahusta e

porcentahe di 1,5% pa 3%cu introduccion di e crisisheffing.

DIMP a cobra den e prome mita di aña Afl. 67,2 miyon na otro tipo di entradanan cu no
ta impuesto. Esaki ta un adelanto substancial si compara esaki cu aña pasa caminda cu

a cobra Afl. 14,3 miyon so durante e mesun temporada. E resto di entradanan cu no ta
regarda impuesto ta entradanan di dividendo pa Gobierno.

CAft ta termina door di menciona cu mester sigui e desaroyonan di cerca pa evita cu

den e di dos mita di aña e gastonan no subi mas hopi cu e entrada nan.