Page 2 - AM190311

2 AWEMainta
Dos hoben haya culpabel
di atraco arma y condena
na 3 y 6 aña di prizon
E hombernan Jonathan K. di 22 aña y Alexis M. di
20 aña a nenga di ta envolví den robo cu violencia of
atraco durante tratamento di nan caso den Corte. Pero
pa Ministerio Publico e pruebanan tabata suficiente pa
pidi un condena cu na final Corte a bay di acuerdo cu
esaki.
Ta trata di dos persona relativamente hoben, kendenan
no ta hayando nan mes envolví cu husticia pa prome
biaha. E prome bes nan a haya chens y a haya un cas-
tigo hubenil, debi na nan edad pero e biaha aki nan a
haya varios aña di castigo.
Jonathan a wordo acusa cu dia 31 di maart aña pasa el
a comete un ladronicia haciendo uzo di violencia, un
arma di candela, menasando su victima DLK y dal’e cu
mokete pa bay cu su celular. Tambe e ta wordo acusa di
posesion di un arma di candela cu a wordo haya den e
cas unda cu e ta biba ora cu Polisnan a listra eynan dia
29 di april, 2018.
Fiscal a bisa durante tratamento cu e acusacion di pos-
esion di arma, dia 29 di april, no a keda proba. E arma
ey a wordo haya pafo di e cas scondi ora cu Jonathan
tabata deteni caba. Fiscal dia di tratamento a pidi un
castigo di 4 aña incondicional pa e hoben aki.
E splicacion di su abogado cu el a cumpra e celular pa
300 florin for di un tal J., no a wordo acepta, y tampo-
co door di Hues. Diabierna mainta tabatin sentencia y
Hues a bisa e acusado cu el a wordo haya culpabel di e
robo cu violencia. Pero no tin prueba suficiente contra
dje pa e arma cu a wordo haya pafo di su cas. Durante
tratamento di e caso, e hoben acusado aki a mustra y
expresa di kier cambia su bida. E ta siguiendo lesnan
den KIA pa haya su diploma secundario y ta siguiente
algun curso tambe. Mirando su intencion, Corte a im-
pone un castigo di 3 aña enbes di e 4 añanan pidi door
di Ministerio Publico.
Eesun cu a hay’e pisa tabata e hoben Alexis M., contra
kende Corte no a tene contemplacion. Hues a a bay di
acuerdo cu e seis añanan di castigo cu a pidi contra e
hoben di 20 aña, kende tabata envolví den dos atraco.
Dialuna, 11 Maart 2019
Uno tabata riba e station di gasolin na Tanki Leendert
y e otro tabata na cas di un empleado di Citgo Sava-
neta, kende tabata yegando su cas.
Alexis a wordo acusa cu dia 26 di juli, 2018 el a atraca
un trahado di Citgo Savaneta, unda cu a uza un arma
di candela y a bay cu 2 mil florin. Den e caso aki hasta
a los un tiro cu a laga e victima den trauma. Na di
dos luga el a wordo acusa cu algún dia prome, dia 23
di juli, el a comete otro atraco na station di Citgo na
Tanki Leendert.
Den e caso aki tambe a keda legal y convincentemente
proba e dos acusacionnan contra Alexis. Y no ta trata
di un, pero dos, Hues a bisa e acusado. “Bo a trece
hopi inseguridad den comunidad y ta daña nomber di
Aruba. Ademas, no ta prome biaha cu bo ta hayabo en-
volví den casonan asina.” Asina por ehempel a record’e
cu tanto na 2015 como 2017 el a haya su mes den
problema cu husticia, pa delitonan similar.
E auto cu el a usa den e caso aki tabata pertenece na
su mama y a keda confisca. A bay di acuerdo cu un
demanda cu a wordo haci pa daño y perhuicio, of e lo
bay mas dia cera.
E hoben aki cu su apenas 20 aña ya caba ta hay’e pa
di tres biaha cu husticia y awo a haya 6 aña, kitando e
tempo cu el a bay cera.