Page 24 - FDLP
P. 24
Segun Coach Boye, Bruniel ta un atleta cu a demostra for di chikito cu e ta dedica su
tempo bon na e deporte. El a gana su Pan Americano Oro na Colombia y despues di esaki
el a sigui train te cu ela haya e oportunidad pa bringa na Thailand caminda cu e por a
demostra su habilidadnan entre e Paisnan grandi door di logra tercer luga den categoria di
peso lihe.
“Eynan caba el a score halto como cu ta bringando cu 72 Pais. Den e categoria cu el a
participa tabatin 6 Pais di calidad halto den e deporte. Bruniel tin e talento y habilidad pa
a sali na prome luga, sinembargo un fayo cu el a comete a haci cu el a sali di tres luga. A
pesar di esaki el a mustra e calidad halto cu e tin, pa cual el a haya e oportunidad pa
bringa pa un titulo na Mexico cu WMF cu a scoge Bruniel pa nan para su tras pa bringa
pa e titulo. E comision di Mexico a haci un otro categoria pues e lo por bringa pa dos
titulo na e ocasion aki. Bruniel ta preparando duro pa e competencianan na caminda, y lo
haci bon uzo di e tactica y forsa cu e tin den su pianan, combina cu locual a studia di su
contrincante.
