Page 12 - KPA

Minister Dowers tabata tey presente durante reunion di

Parlamento cu presentacion riba e ultimo desaroyonan

Tuesday, 07 February 2017 06:46
Comparti

Parlamento a trece algun preocupacion dilanti y tabata kier sa kico Gobierno ta haciendo. Minister
Arthur Dowers tabata tey presente cu su departamentonan y a duna un presentacion riba e ultimo
desaroyonan.

Varios parlamentario a bin cu presentacionnan constructivo. Entre otro sr. Thijsen, kende a papia cosnan
al caso. Lamentablemente ta keda un lider di un partido politico MEP, cu ta keda haci politica barata. E
ta keda pretende cu e tin tur e solucionnan, ciendo cu a mustra riba e hecho cu tin cierto cambionan y
basa riba e cambionan ey, ta tuma e medidanan. A bay mainta over na detencion di hopi hende. Lo sigui
den e dianan aki detene mas hende. Loke ta un realidad, ta cu cerca Cuerpo Policial, ni nigun otro cuerpo
policial na mundo, no por anticipa ken ta bay haci atraco. Tin hopi polis riba caya y material na
disposicion. Tin gruponan bezig cu inteligencia. Pero si tin hende cu ta dispuesto y ta haya tambe sosten
y cooperacion pa comete crimen, nan por haci’e. Esey ta un cos cu lamentablemente no tin
completamente den nan man. A haci hopi na prevencion. Hopi biaha ta preveni hendenan cu arma riba
caya, ta logre comete un crimen. Pero tin momentonan cu no por previni’e. E pasonan cu ta tumando
cada biaha di nobo ta frena principalmente e desaroyonan cu ta mira for di e parti di Venezuela, caminda
cu tin hende cu ta wordo treci na Aruba door di algun hende aki, specialmente cu e meta pa comete
atraco. Nan ta haya parti di e placa cu nan a atraca.

Tambe ta mira algun hende cu ta bin riba nan mes y gewoon riba caya ta ranca hende su cartera, pasobra
nan tin nan problemanan social na nan pais, etc. Unico cos cu por bisa cu akinan ta haci tur esfuerso pa
preveni esaki. Lamentablemente no por djis yega y bisa cu ningun Venezolano no por drenta mas. Esey
leynan internacional no por. Por haya den basta confrontacion. Si ta bay haci ta binimento di ESTA, ta
reduci e riesgo di esnan cu tin intencionnan criminal, pero no por elimin’e completamente. Un gran
cantidad di arma cu nan tin, hasta armanan cu ta legal cerca cierto funcionarionan cu ta dispuesto pa
bend’e pa haya dollar pa drenta nan pais. Un di e cosnan importante den e aspecto preventivo, cu nos
mester tin hendenan menos dispuesto pa cumpra e armanan aki of pa trafica e armanan aki cu ta trece
na nos mesun pais. No ta unicamente e Venezolano cu ta bin trece arma aki, pero tin localnan cu ta bay
cumpra arma riba bestelling akinan y purba di trece. A logra di frena esaki pero no tur ora. Tin cu bisa
tambe cu e discusion a bin riba e parti di fondo.

Na e momentonan aki tin varios fondo cu a traha duro pa por a logra haya esaki riba nos isla. Por corda
sigur cu algun aña pasa a bisa cu mester di mas miyones pa por haci e trabao. A haya den e presupuesto
ultimo algun miyon mas, pero cu e aspecto ey ta uno cu na e momentonan aki cu tin’e cubri, ta
importante si pa futuro pa keda conciente cu crimen y risico di crimen den e region aki ta bira tur dia
mas grandi. Si mira e cifranan y si mira e rapportnan cu tin, compara cu e añanan cu ta pasa, por mira cu
door di e cambio di registracion, cual ta registrando tur cos cu wordo cometi como un tipo di overval of