Page 28 - KPA

18 AWEMainta Diamars, 7 Februari 2017

Casi 100 Polis riba pia durante Caiso & Soca Monarch

CONTROL Y LISTRAMENTO PREVENTIVO

TA SIGUI DUNA BON RESULTADO

A detene 9 sospechoso kitando droga y arma for di caminda

A percura pa un control
tanto paden di e Festival,
pafo y den e areanan den
cercania di e evento mu-
sical di Carnaval mihor
atendi anualmente.

Na tur a conta mas o
menos 75 Polis uniforma
riba pia y mas o menos 20
Polis na civil, p’e evento
di Caiso & Soca Mon-
arch 2017 den Carnival
Village na San Nicolas.

Na un forma structura y
siguiendo e strategia pre-
para y anuncia adelanta,
Polis a controla un can-
tidad di ciudadano, bou
di e ordo di Listramento
Preventivo.

Ora a listra e ciudada-
nonan yegando of sa-
liendo di e evento, a topa
cu varios sker, icepick,
schroefdraaier y hasta
droga.

Na tur a detene 9 sos-
pechoso durante e accion
aki. Un di e detencion
tabata pa destruccion,
ora cu e sospechoso a dal
den un auto di Polis.

Polis lo sigui mantene
e mesun formula aki di
control durante e even-
tonan grandi di Carnaval
cu ta sigui, den un esfuer-
so pa preveni actonan
criminal pa tuma lugar.
Por lo general e evento di
Caiso & Soca Monarch a
bay sin mucho incidente,
probablemente dor di e
controlnan preventivo
mes, cu a wanta esnan cu
mal intencion pafo.