Page 84 - KPA

asina Marelbis Redondo a bisa. E prome punto di luz cu Premier Eman a instala
diahuebs anochi, ta dilanti di su cas y asina tambe ta anfitrion pa tur otro bisiña cu a bin
presencia e momento importante. Redondo a conta con e reaccion di parti di tur bisiña
tabata hopi positivo. E ta kere cu e reunion di diahuebs ultimo lo ta e prome di mas den
futuro awo cu e bario ta miho ilumina.

Otro bisiñanan a menciona tambe e aspecto cu ta luznan LED, cu nan ta funciona miho
y consumi menos energia; pero e punto principal ta keda e seguridad. Robert Yanez,
por ehempel, a enfatisa con scur tabata den e area. E ta contento cu nan sector den
Tanki Leendert a yega na turno pa haya luz di caya y ta spera cu pronto Gobierno lo
por pone asfalt tambe. E ultimo ta un necesidad cu Prome Minister Mike Eman ta
reconoce den su encuentro cu e bisiñanan sigurando cu esfuerzonan ta wordo haci tur
dia pa yega cu asfalt tambe na mas tanto bario posibel.

Similar na otro barionan, na Tanki Leendert tambe a topa cu habitante cu a tuma e
responsabilidad di ilumina mas leu cu su cura di cas. Donny Diaz tin 20 aña bibando y
lagando su luz di cas cendi pa ilumina caya. “Awo cu a cuminsa cu iluminacion, mi ta
spera cu por sigui asina pa tur caya haya y asina tin seguridad den bario,” e ciudadano
a expresa.Otro bisiña contento tabata Jacqueline Fingal. El a brinda su persectiva
bisando cu: “Como hende muhe bo ta yega bo cas bo so despues di trabou, at least bo
tin un bista di kico tin rond pa bo mesun seguridad.” El a nota tambe cu e luznan LED
cu ELMAR Aruba N.V. ta instala, ta traha fantastico y ta cubri un area basta grandi.

Luz den Bario ta un programa crea na 2014 pa Prome Minister Mike Eman y ta forma
parti di su maneho. E ta posibel danki na e colaboracion balioso di Minister ing. Mike de
Meza como titular di Utilidad y Minister Benny Sevinger di Infrastructura. Durante su
ehecucion a instala caba miles di punto di luz nobo rond di nos isla, treciendo
trankilidad y seguridad pa miles di persona y hisando e calidad di bida den bario.