Page 90 - KPA

Minister DOWERS kier introduci E.S.T.A pa pais Aruba

Monday, 06 February 2017 21:32
Comparti

Minister di Husticia Arthur Dowers, a hiba palabra dialuna mainta den sala di parlamento, riba un
reunion cu a wordo pidi pa parlamento di Aruba.

E minister a splica cu e trend di “impulse beroving”, esta atraconan cu no ta wordo planea ta tumando
lugar, cu esaki nan tin di haber cu Venezolanonan cu ta tira para pa tiki placa mes, mirando cu na nan
pais, e suma ey tin un balor grandi. Pesey mes e opinion di e minister ta pa bin cu un systema di controla
un persona cu kier bishita nos pais di antemano, por medio di e systema conoci como “E.S.T.A.”. E
mandatario a splica cu mayoria di e criminalnan cu a tira para na Aruba, a drenta via di e forma legal,
algun di nan cu paspoort legitimo y otronan cu paspoort legitimo pero cu identidad falso. Mirando cu
mundo a modernisa, ta trece cu ne tambe cu tin varios tools pa contra aresta esnan den baho mundo y
“E.S.T.A.” como tools, ta un di nan. Segun informacion di Cuerpo Policial, cu e mesun criminalnan cu a
bin supuestamente como turista, ta wordo yuda pa nos propio hendenan local y esey a resalta na
momento cu detencionan y investigacion tuma lugar. Tambe e mandatario a pone enfasis cu e projecto di
mensenhandel en smokkel tambe ta di sumo importancia, pa nos por continua cu combatimento di
criminalidad.