Page 16 - CMB

Pero e intencion di e fundacion di e lotto nobo, specificamente ta pasobra cu ta
bay haya e pregunta cu si encaso gobierno gana e caso den corte, den luna di
november kico ta bay pasa? Lo bay tin un situacion unda cu tin dos fundacion

cu e mesun meta y mesun proposito. Pa loke ta e fundacion nobo, e intencion ta
pa crea fondonan necesario pa 1, mantencion di tur facilidad deportivo y 2)

construccion di facilidadnan deportivo nobo.

Actualmente tin un Lotto pa Deporte, cu ta manda placa pa Stichting Subsidie
Commissie cu ta distribui e placa bou di diferente federacion deportivo. Parti di

e placa ta bay pa Fundacion Facilidadnan Deportivo, cu eigenlijk nan tarea ta
suppose di ta mantencion di e facilidadnan deportivo. Pero den practica e placa
no ta yega na e destinacion, ya cu awo un seleccion di Aruba mester bay hunga

weganan internacional, cu tur e facilidadnan na Aruba a wordo afgekeurd door
di Concacaf.

P’esey e intencion di e fundacion nobo aki ta pa tin fondonan disponibel pa

garantisa cu ta mantene tur e facilidadnan deportivo. Tur hende por bay Parke
Jaburibari y wak den ki estado e ta, mescos cu e compleho deportivo na Simeon

Antonio y esun di Jara. Kiermen cu e unico conclusion cu por yega na dje ta, cu
e placa a disparce. Na mes manera cu nos pais a wordo goberna, na mes
manera a dirigi e fundacionnan aki.

Cu e hendenan aki no tin transparencia, no tin dunamento di cuenta. Y ora cu

haya carta for di Canadian Bank, ta cumisna pensa cu esey ta e motibo pa cual
nan no kier duna cuentanan actual. Tin scondemento di placa cu a wordo

genera. Esey ta un lastima, ya cu tur dia ta ricibi carta di bondnan deportivo,
pidiendo ayudo. Pero tin un grupito cu ta strika placa sin duna cuenta.

E unico conclusion cu e mandatario por yega na dje, ta pa bienestar ta pa
ehecuta nan maneho y vision, pa cuminsa e proceso pa lanta e fundacion y e

ora ta keda na pueblo pa scoge cual loteria nan ta apoya.