Page 33 - HOH 16 MAY 2017

Nos a siña con pa handle stress cu tayer di Nursing in 21st
Century

Monday, 15 May 2017 18:44
Comparti

Na hospital y na tur centro di cuido, e grupo di enfermero ta tiki y Marco Quandt y Brian Silvestre ta
studiantenan di EPI Salubridad y Servicio ta studiando den e direccion di enfermeria y nan ta motiva pa
traha den e profesion cu mester tin hopi dedicacion, hopi perseverancia y hopi amor.

Marco Quandt ta studiante di verpleegkunde y pa asina bira un enfermero den futuro. Riba” Dia
Internacional di Enfermeria” e tema tabata “Nurses a voice to lead” y na EPI e studiantenan a scoge e
tema di “Nursing in 21st Century”, pero nan a pone un toke special celebrando e dia y tabata den un
workshop. “Esey ta un tema cu nos a bin hunto den klas y a scoge, pasobra nos a haya ta hopi importante
pa por haci conscientisacion di e dia internacional cu ta 12 di Mei. Tambe ta importante pa pa ta
consciente di nos trabou, bida personal y na cas con nos por preveni pa burn out, esey ta ora cu nos ta
draai shiftnan largo 3 pa 4 dia” hopi biaha sin descansa, Marco Quandt a remarca. Nos a pone atencion
riba e hecho cu mester tin un balans con pa handle stress, pashentnan y of personanan cu ta yega y ta
altera, cu ta bin cu un caracter agresivo, etc., con por trata nan. Asina aki nan por haci e bida di e pashent
mas confortabel y nos por ta duna e situacion aki importancia den cuido. E hobennan a remarca cu tin
tiki persona masculino cu ta traha den e area di cuido, pasobra e trabou di un enfermero ta yega na e
parti personal.

“Pa prome esey mester nace di bo mes tambe e amor, e cariño y e perseverancia pa ta un enfermero di
cualidad”, Brian Silvestre a remarca “Manera mi ta bisa e mester bin di bo mes pa transmiti e cuido cu
mester duna. E no ta algo cu mester haci forsa pero haci’e di bo mes”, Brian Silvestre a remarca. Brian
Silvestre kier motiva tur esnan cu kier bay den e direccion di enfermeria pa semper ta nan mes, semper ta
respetuoso, semper sigui padilanti, semper haci bo best pa siña mas y desaroya bo mes mas den e
profesion specialmente esunnan cu ta desea di drenta aden. E ta djis perseverancia y semper keda enfoca,
manera e tema di “Nursing in 21st Century” ta bay over di stress, ta con pa balansa tur aspecto di bo
trabou y bida priva, pa por duna bon cuido tambe. “Bo mester sa con pa trece esaki”, Brian Silvestre a
remarca.