Page 21 - KPA

Aunke Carnaval ta bay cu parti grandi di presupuesto, Polis
tin tambe e responsabilidad di garanbtiza e seguridad

Tuesday, 28 February 2017 22:35
Comparti

Segun Minister Arthur Dowers, tur departamento tabata riba caya durante carnaval pa maneha no
solamente e parti di e parada. Esaki a sosode for di mainta y for di merdia detencion a cuminsa cay.
Ta casonan cu a sosode prome cu parada a caba. Polisnan den forma relampago ta blokia auto, para,
detene hende relaciona cu un ke otro caso di menasa. Tabata basta druk. Practicamente polisnan tabata
riba caya rond Aruba y riba e ruta .
Minister Dowers a splica cu esaki tabata algo planea. A pone un gran cantidad di e presupuesto
disponibel na e momento eynan. A splica na varios ocasion, Carnaval ta bay cu un parti hopi grandi di e
presupuesto di husticia. Pero tin e responsabilidad pa garantisa e siguridad. Ta un fiesta cu tur hende
kier bay gosa di dje. E tin su aspecto importante di turismo, cual ta nifica un parti grandi tambe caminda
cu mester duna di parti di cuerpo policial ta pa garantisa cu tur hende por move trankil. Loke kier ta pa
tur hende por fiesta sin cu nan ta core ningun risico. Lamentablemene, caminda cu tin hopi hende ta
aglomera, caminda tin alcohol ta wordo bebi y tin hende ta tuma otro substancia tambe, pasobra ta mira
cu mesora nan ta wordo deteni of cu nan a causa problema cu no ta alcohol so nan a tuma of algo. Esey ta
buta cu mester sali en grandi y tin cu bisa cu ora di evalua, tin cu sinta otro siman pa evalua cu e otro
departamentonan. E cooperacion tabata tremendo. Hopi recherche riba caya y diferente team di polis
riba caya. Segun e mandatario, esey ta duna tambe e aspecto preventivo. Polis ta satisfecho cu e trabao a
wordo haci. Tin cu bisa cu despues di tur e otro paradanan a bay bon, sin casi ningun detenido,
lamentablemente por a constata si cu tin hopi detenido. Pero tey como husticia pa haci trabao y tin cu
bisa cu ta contento si cu a logra di calma tur e situacionnan cu tabata tin, sin cu tabata tin mayor danjo
haci relata na e carnaval.
Tradicion nobo
E tempo aya, manera cu carnaval yega na DOW, por ehempel, banda ta stop di toca, e cos a caba. Pero a
bin cu un tradicion nobo di kima e momo no diamars, pero mesora diadomingo mes, hunto cu e parada,
ora e pasa bay abao. E ta tene basta hende riba caya.
E minister a splica cu ta evalua esaki. A bin un escogencia door di e grupo cu ta organisa e
carnaval. Mester evalua hopi bon si esaki ta un bon forma di caba carnaval. Minister mes ta haya cu e
tradicion aki ta poco stranjo pasobra no ta na su luga cu ta kima momo asina tempran. Semper ta kima e
momo diamars, sigui pa ash wednesday su tras y ta stranjo pa kima momo diadomingo. Pero ta keda na
esnan cu ta organisa carnaval pero mester evalua ki efecto tin cuanto mas hende ta tene riba caya, cuanto
mas aglomeracion tin, cuanto mas problema e ta crea. Tin cu evalua bon si e tin beneficio. Berdad ta cu
diamars no mester haci nada mas, cual ta nifica cu a spaar eynan algo. Pero si tin cu tene tur polis ocupa
y riba caya, mester evalua si berdaderamente ta un ganashi y lo tin cu bay wak esey, segun minister
Dowers.