Page 3 - ARUBA BANK

Segun Alex Pieters, pa cuerpo policial ta hopi bon. Nan ta haciendo e trabao aki den

nomber di Departamento di Impuesto. Pero door di e cambio di e plachi di number, e ta

bira mas obvio pa para un auto. Awo cu tin hopi aña cu tabata mara na plachi di un solo

color, tin cu fiha hopi riba e cifranan di e sticker. Tin cu para e autonan at random y

controla nan. Awor aki cu e cambio di plachi di number, lo bira tiki mas fastioso pa e

hendenan por fraudeer e plachi, manera cu tabata haci den pasado. Por wak un tiki mas

directo cua auto por para y ta bay un control mas specifico riba cierto autonan, para y

controla nan pa esaki.

Tin di compronde tambe cu tin algun cambio den e diseño di e plachi di number, pa yuda

cu e siguridad mas miho. Tur esakinan ta pa un miho control pa belasting, pa polis bira

mas obvio den trafico pa nan haci nan control mas miho den e sistema.

E calidad di e plachi den pasado tabata malo, pasobra e tabata blika facil. Y tabata

fastioso pa polis. Den ley ta para cu ora cu e plachi perde su visibilidad, cu e ta un acto

castigabel. Pero e ta fastioso. A haya varios caso caminda e hendenan mes no por a yuda

pasobra e plachi a cambia su color. Pero door di esaki despues e hendenan por a bay

cambia nan plachi di number bek y tur esaki toch a trece un inconveniencia cera e

personanan.

Awo cu e cambio aki, ta spera cu e calidad keda bon. Ta bay wak e ora con e ta bay. Tin

hende cu ta pro, tin hende cu ta contra. A scucha hopi remarca pa keda cu un plachi vast,

estilo Hulanda of Merca. Tur esey ta decisionnan cu ta bay pa Belasting.

Di parti di polis nan ta wak kico por haci nan trabao mas facil pa control y pa tuma

decision ki auto ta para, cua no y pa por haci e control pa cua nummerplaat ta falso si of

no.