Page 12 - ARUBA BANK

Grandi Y Chikito Riba Caminda P’e Comienso Di

Aruba Bank Walk & Run 2019

 Deporte
- 22/05/2019

Despues cu nos a anuncia e fechanan di Aruba Bank su di 15 edicion di Walk & Run,
hopi ta esnan cu a cuminsa entrena p’e evento di 4 dia aki. Dialuna a tuma lugar e prome
dia di e famoso Walk and Run 2019. Esaki a cuminsa exitosamente cu un participacion
grandi di personan coriendo y canando riba e ruta na San Nicolas.

E salida tabata na Joe Laveist Sport Park, San Nicolas y e ruta tabata druk for di tempran,
cu participantenan bayendo riba pa participa den Aruba Bank Walk and Run 2019.
Pa 6:30pm en punto e participantenan a cuminsa core y cana e distancia di 5.5KM.
Despues di e salida e participantenan a pasa den Weg Fontein – Diamantbergweg-
Juwana Mortostraat – Nijhofstraat – Dr. Schaepmanstraat – Pastoor Hendrickstraat y a
termina bek na Joe Laveist Sport Park.

E participantenan tabata feliz di a completa e prome dia y tabata ansioso pa participa den
e proximo 3 dianan. Manera añanan anterior, participantenan mes a bay cu nan boter cu
nan a ricibi den nan goody bag y p’esaki Aruba Bank ta orguyoso di mira cu hendenan ta
mantene e evento plastic free.
E di dos dia ta na St. Cruz cuminsando tambe pa 6:30PM. E salida ta di Colegio Laura
Wernet Paskel – Kadushi Largo – Cas Ariba – pasa dilanti Supermercao Shun Li –
Sabanilla Abao – bek pa Colegio Laura Wernet Paskel.