Page 29 - AWEMAINTA

Diaranson, 16 Januari 2019 AWEMainta Bonaire 29

Plan di vários aña pa reforsá

acogida di mucha a cuminsá

KRALENDIJK - E Secretarionan di Estado Van

Ark y Knops durante nan bishita na Saba, Sint

Eustatius y Bonaire a firma un plan di vários aña
pa reforsá acogida di mucha na Hulanda Cariben-

se.
E plan di e programa ta originá for di un cooperacion

entre e tres Entidadnan Público y e Ministerionan

di Educacion, Cultura y Ciencia (OCW), Asun-
to Social y Asunto di Trabou (SZW), Salubridad,

Bienestar y Deporte (VWS) y Asunto Interno y

Relacion di Reino (BZK).

BES(t) 4 Kids, manera ta yama e programa, ta

consistí di un enfoke coordinador pa Hulanda Ca-
ribense y tres plan di enfoke insular. E meta di e

partidonan cu ta cooperá ta pa realisá acogida di
bon calidad pa mucha, promé cu skol y despues di

skol, na Bonaire, Sint Eustatius y Saba.

E fócùs ta pa crea un ambiente sigur y cu bon cui-
do pa mucha te cu 12 aña di edad cu ta pagabel pa

tur mayor.

E base di e programa ta un areglo legal den cua a

incorporá un forma nobo di financiamento y ins-
peccion. E areglo den desaroyo aki pa cada isla ta

traducí den un decreto local cu ta tene cuenta cu

circunstancianan specífico p’e isla.
Pa por cumpli cu e condicionnan nobo, e organi-

sacionnan ehecutivo (manera acogida di mucha,

acogida despues di skol y skolnan) ta haña sosten
di e Entidad Público. T’e intencion pa Reino fi-

nanciá e organisacionnan aki directamente for di
2022.

Cu e firmamento di e plan di programa y e intro-

duccion di e grupo di direccion, awor e programa
ta start oficialmente. Lo envolví e partnernan so-

cial y ehecutivo estrechamente den elaboracion y
e implementacion mas aleu di e plan. Solamente

si tur hende hunto duna un man por logra e resul-

tado deseá.