Page 8 - AWEMAINTA

8 AWEMainta Diaranson, 12 December 2018

Otro logro

9 Studiante a logra nan bul

di Universidad di Aruba y

di Maastricht University

CU sumo placer y orguyo Universidad di Aruba y Maastricht University
a anuncia cu e aña aki 9 studiante di e Double Degree Master Programme

International and European Tax Law a gradua. E studiantenan aki a logra

algo unico y p’e motibo aki nan lo ricibi nan Bul di tanto Universidad di
Aruba como Maastricht University.

Den un solo tiro e studiantenan aki a logra haya e titulo di Master of Laws

in International and European Tax Law di Maastricht University y Master
of Laws in Aruban Law di Universidad di Aruba.
Durante e ceremonia di graduacion alabes a entrega e prome edicion di

e buki ’Corporate taxation in the Dutch Caribbean and Latin American

region: BES-islands, Aruba, Curaçao, Brazil, Colombia, Mexico, Peru and
Venezuela’ na Prome Minister di Aruba sra. Evelyn Wever-Croes.

E buki aki ta specialmete scirbi p’e Double Degree Programme di Aruba y

cu e buki aki porfin ta yena un bashi cu ya ta existente pa hopi aña caba.
E buki unico aki ta un di e pilarnan riba cual e studio aki ta basa, banda
di Europees en internationaal belastingrecht. Segun e espirito di tempo

moderno, e buki aki ta disponibel online gratuitamente pa tur esnan cu ta

interesa via: https://www.teseopress.com/taxation

Mirando e magnitud y e necesidad di e mercado laboral Latino Americano

nos ta spera di por educa hopi mas studiante den e proximo añanan pa

bira fiscalistanan bon capacita, segun prof. dr. Anouk Bollen-Vandenboorn
y Pauline Veenendaal, respectivamente DDMP Director y DDMP Coördi-
nator UA.