Page 21 - RDA 1ST JUNE 2017

AWEMainta Diahuebs, 1 Juni 2017 3

Cu Gobernador Boekhoudt, Sir Richard Branson y DESPUES cu siman pasa a traspasa e tereno

oficialmente pa WEB Aruba y despues cu
Jose Maria Figueres como invitado special
WEB a firma e acuerdo cu ISOTRON, e socio
WEB y Isotron a inicia construccion principal di ‘Sunrise Solar Park’, diaranson ul-
timo a marca e inicio di e fase di construccion
di ‘Sunrise Solar Park’ cu durante un ‘groundbreaking’ expectacular na

groundbreaking expectacular Lago Heights.

E ceremonia di groundbreaking a tuma lugar
den presencia di Gobernador di Aruba, sr.
Alfonso Boekhoudt y a conta cu invitadonan
special entre nan, Jose Maria Figueres y Sir
Richard Branson di e internacional Carbon
War Room, hunto cu Prome Minister Mike
Eman y Minister Mike de Meza, Director di
Utilities Aruba, Franklin Hoevertsz, Director
interino di WEB Aruba, Richard Frank y rep-
resentante di gerencia di Elmar, Eric Tromp.

E inicio oficial di e proyecto aki di 5.9 MW
bou di e nomber di ‘Sunrise Solar Park’, ta
un logro grandi pa WEB Aruba. E logro aki ta
trece e compania di awa y energia mas cerca
di meta pa cumpli cu e vision pa ta mas berde,
mas limpi y liber di fuel oil.
Na mes momento, e inversion di 16 miyon
florin ta representa otro logro grandi pa e com-
pania; Pa prome biaha den historia WEB Aruba
lo ta doño di un proyecto di e magnitud aki.

Frank Hoevertsz kende a duna discurso na
nomber di e companianan di utilidad durante e
ceremonia di ‘groundbreaking’, a felicita WEB
Aruba cu e hoya di proyecto pariba di brug.
Ademas, a felicita compania ruman Elmar pa su
contribucion y colaboracion na e Sunrise Solar
Park, ya cu e parke lo ta conecta rib’e red di
distribucion di coriente di Elmar.

Cu e parke solar, WEB Aruba ta sigui completa
e lista di proyectonan solar cu tin den planifi-
cacion pa yega na un averahe di penetracion di
energia solar di 5%. Segun Francis Ras, gerente
di Division di Asuntonan Tecnico di WEB,
den aproximadamente 8 luna comunidad di
San Nicolas y Aruba henter lo exhibi un di e
parkenan solar di mas grandi riba nos isla y
tambe den Caribe.

WEB Aruba ta orguyoso di por duna inicio na
e gran proyecto aki cu lo demostra un biaha
mas cu Aruba ta lidera den implementacion y
uzo di energia sostenibel den Caribe.
Na mes momento, WEB ta gradici coleganan
di tur departamento cu a aporta na desaroyo
di e proyecto y tambe na partnernan manera
Gobierno di Aruba, Utilities Aruba, Elmar,
ISOTRON, Aruba Investment Bank, Brown
Lawyers, Refineria di Aruba y CITGO cu tambe
a colabora grandemente pa duna inicio na e
desaroyo di ‘Sunrise Solar Park’.