Page 17 - ARUBA BANK
P. 17

Awor ora bo tende Gobierno papia ta comosifuera cu ta Gobierno di AVP a ocasiona
               esaki. Si pueblo ta corda ta nan t’esnan cu a bay parti raportnan tur caminda na Hulanda
               pa CAFT bin Aruba.

               Nan a propaganda esaki y awor nan mes tin cu bay para duro. No bin tira culpa riba otro
               hende mientras ta bo mes a ocasiona esaki.


               Si wak e desigualdad economico cu tin den nos pueblo, por bisa cu e falta di poder di
               compra tin su efecto social. Por papia pues di desigualdad social.





               Nos hendenan aunke esnan cu tin trabou nan no por a kom rond awor, e gastonan ta mas
               halto cu salario. Nan no por hiba nan yiunan bay un cine den weekend, no por hiba nan
               yiunan bay come, haci cosnan pa diverti of relaha man mes of cu e famia. Esaki sigur ta
               afecta relacionnan familiar.


               Nos mester ta conciente di e impacto social. Awor aki nos comunidad ta den crisis. Pesey
               tambe por nota cu hasta comerciantenan y diferente empleado cu ta trahando den
               diferente sector ta uniendo pa mustra e Gobierno aki cu esaki no por.

               Tin cu pone un paro n’e situacion aki sino e situacion aki lo ocasiona un pobresa grandi
               di nos hendenan.


               Gobierno por tin bunita plannan riba papel cu kier logra p.e. e SDG’s y e diferente
               Ministernan por ta bula mundo rond gastando placa di pueblo p’asina gaña mundo cu nan
               ta traha na bienestar di Aruba, mientras realidad ta cu pueblo ta pasando den malo, drs.
               Mervin Wyatt Ras a conclui.
   12   13   14   15   16   17   18   19   20   21   22