Page 95 - MIN VOS

AZV lo cuminsa traha un

registro di acompañantenan

social

Published on November 26, 2016 in Salud
ORANJESTAD, Aruba

Algemene Ziektekosten Verzekering (AZV ) a habri su portanan for di aña 2001 na Aruba. Un di
e servicionan cu AZV ta duna si un pashent mester haya un cuido medico den exterior ta y ta
haya un aprobacion di esaki for di AZV pa bay afo. Actualmente AZV ta enfrentando diferente
kehonan, principalmente di pais Colombia cu AZV tin contractnan cu e miho clinicanan di
Colombia. Actualmente AZV ta encontra reclamo cu hopi biaha e acompañante social cu ta e
persona cu ta bay compania e persona cu ta bay ricibi e cuido medico den exterior no ta
comportando su mes debidamente of nan no ta tuma nan tarea na serio. E apelacion ta bay na
esnan cu tin cu bay den exterior pa tuma cuido medico,AZV ta sugeri pa scoge un persona
responsabel, di confiansa , un persona hopi cerca y un persona cu mester ta na altura di e malesa
y na altura di e pashent su deseonan si algo mester pasa. Importante ta pa e persona por domina e
idioma di e pais cu e pashent ta bay tuma su cuido pa asina por tin un bon contacto cu e dokter y
por tuma un bon decision pa esun cu ta malo. Te na e momentonan aki AZV ta kere den un
acompañante social y ta pesey mes awor AZV lo cuminsa tene un registro di e acompañantenan
social y pone un black list pa esnan cu nan comportacion no ta corecto y no ta debido den
exterior.