Page 26 - MIN ON 26 NOV 2016

Minister Michelle Hooyboer: Violencia contra hende muhe ta
afecta nos tur

Thursday, 24 November 2016 18:14

Comparti

Riba dia 25 di November Nacionnan Uni ta observa dia internacional pa eliminacion di violencia contra
hende muhe. Rond mundo ta marca e dia aki y ta trece cune conscientisacion relaciona cu e tema
di violencia contra hende muhe y esfuerso pa elimina esaki.

Mescos cu tur otro pais rond mundo, Aruba tambe conoce e fenomeno desagradabel aki. Na aña 2011
Minister Michelle Hooyboer-Winklaar a crea Centro pa Desaroyo di Hende Muhe (CEDEHM) pa dedica
mas atencion na tur asunto cu ta relaciona cu bida di hende muhe, incluyendo violencia domestico. Na
2012, CEDHEM a lansa un programa cu yama "Kibrando e Cadena" y ta traha intensivo cu hende
muhenan cu a experiencia violencia den nan bida pa asina nan por recupera nan confiansa y enfoca riba
nan talentonan. Fundacion Hende Muhe den Dificultad ta traha pa hopi aña na bienestar di hende muhe
cu a sufri di e daño fisico y emocional, hunto cu nan yiunan, pa por surpasa e periodo scur den nan
bida. Fundacionnan pa Hende Muhe den Dificultad tin 2 tarea, tanto ta brinda e servicio di shelter pa
hende muhenan y nan yiu cu mester sali for di un situacion di violencia inmediatamente y tambe e guia
pa por surpasa e situacion di violencia.

"Nos tin e hermentnan, nos tin e personanan capacita pa traha, loke nos mester ta e conscientisacion di
nos pueblo henter cu violencia contra hende muhe ta afecta nos tur y esaki tin cu stop. Nos kier pa tur
hende bisa NO na violencia contra hende muhe", asina Minister Michelle Hooyboer-Winklaar a bisa riba
dia 25 di November 2016. Pa demostra su convivencia cu e tema di violencia contra hende muhe, Aruba
ta participa den e movecion internacional "Orange the World", actividadnan rond di mundo uzando e
color oraño, specialmente cu ta luci edificionan importante na paisnan rond di mundo. "Mi ta invita
Aruba completo, hende muhe, hende homber y muchanan pa mustra mundo cu nos lo haci un
compromiso pa traha na duna casonan di violencia domestico un bos, pa denuncia ora mester, y traha na
elimina violencia domestico aki na Aruba." Fort Zoutman lo luci cu colornan oraño cuminsando for di
7or di anochi dia 25 di November. Ta invita un y tur pa comparti e evento aki y bini hunto pa mustra
sosten pa e causa.
http://www.24ora.com/index.php?option=com_content&view=article&id=116020:minister-michelle-

hooyboer-violencia-contra-hende-muhe-ta-afecta-nos-tur&catid=12:politica&Itemid=18