Page 18 - WEB
P. 18
E unico cos ta cu no necesariamente lo aumenta e prijs di gasolin, si lo subi e accijns.
Pues si por ehempel gasolin lo mester baha e luna aki cu 5 cen, lo bah’e cu 3 cen y wanta
e 2 cen di e 10 cen cu a subsidia for di 11 aña pasa. Lo purba haci’e tur luna ora e prijs
mester baha, pa asina tin menos efecto inflatorio.
Minister Xiomara Ruiz a bisa textualmente: “Mi a tuma nota cu tin un carta cu no ta
destina pa publico ta circula den media cu e informacion cu gasoline ta subi. Esaki no ta
berdad. Gasoline su prijs no ta bay subi. E prijs di gasoline ta bay baha”.
Mas leu den su publicacion el a sigui skirbi cu “E contenido di e carta aki ta un
instruccion na douane pa adapta e accijns cu den tempo di e crisis petrolero na 2007 a
wordo subsidia pa Gobierno cu 10 cent. Cada bes cu e prijs di producto petrolero baha,
Gobierno ta tuma un parti te ora cu por yega na e 10 cent”.
