Page 17 - AWM 3JUNE2017
P. 17
AWEMainta Diasabra, 3 Juni 2017 17
Voz di boluntario a resona fuerte mustrando cu Aruba ta Berde, e ta!
“UN simpel invitacion, un simpel mensahe a trece boso aki awe
(diahuebs) nochi. Cla pa traha y cla pa yuda p’asina nos yega dia 22
di september y bolbe haci historia logrando 15 asiento.
Y pa su diadomingo despues, nos cor’e parada di victoria!” asina lider
di partido AVP, Mike Eman, a cuminsa na bisa un cantidad grandi
di amigo y sostenedornan di Partido di Pueblo Arubano, den un
‘Renaissance Convention Center’ totalmente yena, diahuebs anochi,
asistiendo n’e evento, ‘Voz di Boluntario’.
Candidato y organisadornan a ricibi un cantidad enorme di persona
cu a bin pa registra como boluntario pa campaña electoral 2017.
Despues di palabra di varios figura prominente den e partido berde,
lider Mike Eman, a sa di encurasha y motiva un y tur: ‘Un partido
Social Cristian ta stima tur hende, ta stima su prohimo y p’esey AVP
ta traha pa absolutamente tur hende na Aruba.
Nos ta stima boso, boso ta stima nos y nos tur ta stima e pais aki.
Saca bo bandera, bisti bo flanel, mustra bo sticker paso ta Berd’e ta!’
