Page 32 - AWM 3JUNE2017

32 AWEMainta Diasabra, 3 Juni 2017

Dia 2 di tayer HCI:

“Tecnica di documentacion, filmacion y fotografia”

UNESCO Aruba a completa su di dos un tayer diahuebs
ultimo na Biblioteca Nacional Aruba riba preservacion di
Herencia Cultural Inmaterial na Aruba.
E mainta a cuminsa interactivo unda e repasa e programa di
e dia anterior. Despeus a cuminsa cu un presentacion di sr.
Eldric Croes cu ta forma parti di Archivo Nacional Aruba.
Sr. Eldric Croes a duna informacion tocante con ta warda,
cuida y proteha nos archivonan (documentonan, potretnan,
video’s, cassette etc.)
Digitalisa ta un manera pa por sigi transpasa informacion p’e
generacion nobo.

E meta ta pa bin hunto y crea un plataforma unda por inter-
cambia informacion den archive, sr Eldric Croes ta splica.
Despeus di un break cortico sr. Ryan Oduber a duna un pre-
sentacion tocante e tecnica di filmacion. Esaki ta un elemento
importante ora kier preserva pasado pa futuro.
Semper mester tuma cuenta cu diferente criteria ora kier docu-
menta un storia of persona riba film.

Den e presentacion di Demond Ridderstap a agrega e parti
di fotografia cu tambe por forma parti di un documentacion.
E dia a termina cu un presentacion unda a presenta e docu-
mentario “Gerry El Barbero” p’asina duna e participantenan
inspiracion.
Tur interesado por sigui e tayer “Live” via riba e Facebook
page di Biblioteca Nacional Aruba. Keda pendiente p’e di tres
comunicado tocante e di tres tayer di HCI.
https://www.facebook.com/bibliotecanacionalaruba/?fref=ts