Page 5 - DIGICEL
P. 5
Tambe tur celular di Samsung 7 bay ariba, ta bin cu e IP68, den sentido cu e telefon ta
resistente na awa. Den otro palabra, cu e Samsung Note 9 ta garantisa cu bo tin un telefon
duradero y innovativo cu hopi beneficio pa su usuario.
Presidente di Hunta di Supervision di Digicel Aruba, e conocido abogado mr. Lincoln
“Dello” Gomez, a splica cu den Caribe tin hopi proyecto andando riba tereno
tecnologico. Den e siguiente 15 añanan Digicel lo percura pa tur servicio di ICT ta
disponibel y accesibel na tur e islanan unda nan ta opera. Algun di e islanan mester a
cuminsa for di 0 y a scoge Digicel pa ta nan partner tecnologico pa provee tur loke ta
comunicacion, tur loke ta data, tur loke ta servicio. Otro islanan cu ta manehando
agendanan di innovacion, manera cu Gobierno ta haciendo aki na Aruba, unda cu
innovacion ta halto riba agenda, Digicel tin un rol importante pa hunga pa percura pa tin
e infrastructura necesario pa por carga tur e tecnologia.
